Aelodau Clwb Ieuenctid yn gweithio i gadw Sealand yn daclus
Bu gwirfoddolwyr o Glwb Ieuenctid Sealand yn torchi’u llewys ac yn casglu sbwriel o amgylch y Ganolfan Ieuenctid yn ddiweddar. Rhoddodd aelodau’r clwb o’u hamser i gefnogi ‘r Prosiect Trefi Taclus a reolir gan Cadw Cymru’n Daclus ac a ariennir gan Lywodraeth Cymru, a hynny drwy gasglu sbwriel ar dir y ganolfan, y parc yng nghefn y clwb a’r ardal o amgylch Orchard Way. Casglodd y grwp saith bag o sbwriel a oedd yn cynnwys caniau, poteli plastig a phapur fferins yn bennaf. Dywedodd Helen Evans, Gweithiwr Ieuenctid, "Mae’r bobl ifanc sy’n dod i’r Clwb Ieuenctid yn awyddus i ddangos eu bod yn bobl gyfrifol a’u bod yn poeni am yr ardal. Gweithiodd y grwp yn dda i dacluso’r ardal." Ychwanegodd Judith Wright, Gweithiwr Prosiect, " Mae Trefi Taclus yn ffordd wych o ddod â phobl leol ynghyd i wella’u hamgylchedd. Gosododd y gwirfoddolwyr o Ganolfan Ieuenctid Sealand enghraifft ardderchog i’r gymuned a gobeithio y bydd mwy yn ymuno â nhw’r ar eu prosiect nesaf." Os hoffech ymuno â grwp neu gael rhagor o wybodaeth am Drefi Taclus, ffoniwch Judith Wright 07717 495188 neu anfonwch e-bost ati: judith.wright@keepwalestidy.org.uk
