Diwrnod Coffa’r Holocost
Am yr ail flwyddyn yn olynol, mae Cyngor Sir y Fflint yn cynnal digwyddiad i nodi Diwrnod Coffa’r Holocost 2012, a hynny ar 27 Ionawr. Mae adran y Celfyddydau, Diwylliant a Digwyddiadau wedi bod yn gweithio mewn partneriaeth â Fforwm Ieuenctid Sir y Fflint a Menter Iaith Sir y Fflint i greu rhaglen ddiddorol a theimladwy’n gydnaws â’r thema eleni, sef ‘Dweud eich Dweud, Dweud eich Barn’. Bydd perfformiad o’r ddrama, ‘Hil-laddiad’, a ysgrifennwyd ac a ddatblygwyd yn Gymraeg a Saesneg gan bobl ifanc Fforwm Ieuenctid Sir y Fflint. Bydd hefyd Stomp Barddoniaeth i bobl ifanc rhwng 13 ac 19 ar y thema ‘Gwahaniaethu, Hil-laddiad a’r Holocost’. Bydd y gynulleidfa, y teuluoedd a’r ffrindiau’n pleidleisio am y gerdd fuddugol, a chaiff honno ei phostio ar wefan cyngor Sir y Fflint, ar dudalennau’r Celfyddydau, Diwylliant a Digwyddiadau. Cynhelir Diwrnod Coffa’r Holocost ddydd Gwener 27 Ionawr, am 7pm yn Neuadd Ddinesig Cei Connah, a bydd croeso i bawb ddod i’r perfformiad di-dâl hwn, gan bobl ifanc dalentog i godi ymwybyddiaeteh ac i anfon neges glir am wahaniaethu’n annheg. Os hoffai unrhyw berson ifanc rhwng 13 ac 19 oed gymryd rhan yn y digwyddiad cyffrous hwn, neu ymuno yn y Stomp, dylent gysylltu â Beth Ditson, Swyddog Digwyddiadau Cymunedol ar 01352 702472.
