Galw am bobl ifanc i gymryd rhan yng nghynhyrchiad Theatr Genedlaethol Cymru yn Llaneurgain
Ddydd Gwener 4 Tachwedd 2011, bydd Theatr Genedlaethol Cymru yn dod a’i chynhyrchiad o ‘The Village Social’ i Sir y Fflint ac i Neuadd Goffa Edith Banks yn Llaneurgain. Rydym yn chwilio am bobl ifanc rhwng 15 a 21 oed i fod yn rhan o ‘The Village Social’. Bydd angen iddynt fod yn hapus i ganu mewn grwp a bod yn rhan o gân sy’n cynnwys ychydig o waith coreograffi syml. Nid yw hynny’n golygu bod angen i chi fod yn gallu dawnsio, ond rhaid i chi fod yn hapus i symud yn gorfforol. Bydd cymryd rhan yn golygu ymrwymo i ambell ymarfer lle byddwch yn dysgu un neu ddwy gân ar eich cof, a chymryd rhan mewn gorymdaith a rhai rhannau o’r sioe. Os oes gennych chi neu’ch grwp ddiddordeb, anfonwch e-bost at admin@nationaltheatrewales.org Caiff y perfformiad hwn ei gydlynu gan Adran y Celfyddydau, Diwylliant a Digwyddiadau Cyfarwyddiaeth Dysgu Gydol Oes Cyngor Sir y Fflint, ar y cyd â Chynllun Noson Allan Cyngor Celfyddydau Cymru.
