Awdur plant enwog yn llongyfarch plant ysgol lleol am ddod â'i stori'n fyw yn Clwyd Theatr Cymru
Roedd y plant ysgol o Sir y Fflint a fu’n perfformio yn y sioe ‘The Snow Spider’ yn Clwyd Theatr Cymru yn ddiweddar, wrth eu boddau o glywed bod rhywun pwysig iawn yn y gynulleidfa, sef awdur y llyfr, Jenny Nimmo!
Cafodd y stori ei haddasu ar gyfer y llwyfan gan yr awdur proffesiynol Janys Chambers a bu disgyblion Ysgol y Llan, Chwitffordd, Ysgol Trelogan ac Ysgol Gronant yn ei pherfformio’n ddiweddar fel rhan o Raglen Celfyddydau Ysgolion Sir y Fflint.
Yn ôl paur newydd y Guardian mae ‘The Snow Spider,’ gan Jenny Nimmo, yn ‘stori ffantasi hyfryd’ ac enillodd Wobr Smarties (1986) a Gwobr Tir na n-Og (1987) am y llyfr Saesneg gorau i blant. Mae stori ‘The Snow Spider’ yn ffefryn ymhlith plant ers hynny.
Mae’r stori hudolus hon wedi’i gosod yng Nghymru yn yr ugeinfed ganrif, ac mae’n troi o amgylch bachgen o’r enw Gwyn sy’n cael anrhegion annarferol ar ei ben-blwydd yn naw oed. Bydd y rhain yn ei arwain ar daith i ddarganfod ai dewin ydyw, a byddant yn ei helpu i ddatrys dirgelwch diflaniad ei chwaer, Bethan.
Ad-drefnodd Jenny ei hamserlen brysur i wneud yn siwr ei bod yn gweld y cynhyrchiad yn Clwyd Theatr Cymru. Dywedodd Jenny: “Cefais fy nghyfareddu gan berfformiad y bobl ifanc. Rwy’n llongyfarch bob un ohonynt.”
Caiff y cynhyrchiad ei ariannu gan Gyngor Sir y Fflint a Chyngor Celfyddydau Cymru fel rhan o rhaglen datblygu’r celfyddydau yn ysgolion Sir y Fflint.
